Қазақ қызы Қытайдың «Жыл студенті» атанды

90
0
Бөлісу:

Қытай елінің Шанхай педагогикалық университетінде білімін жетілдірген павлодарлық түлек Фарида Төлеубаева «Жыл студенті» атанды деп хабарлайды pavlodarnews.kz.

Қытайда "Жыл студенті" атанған қазақ қызы туған жердің көк аспанын сағынғанын айтты

Ол қатарластарынан топ жарып шыққаны үшін шетелдік студенттер факультетінің деканы Хуанг Мэй Сюдің атынан екі бірдей дипломға ие болған.

«Қытай елінде экологиялық мәселе күн сайын артып келеді. Сондықтан мұнда бетперде киіп жүру үйреншікті әдетке айналған. Қыр асып, білім жолына түскен мен сияқты қазақстандық жастар үшін туған елдің көк аспанын тамашалап, таза ауасымен демалудан асқан бақыт жоқ шығар, сірә. Сондай-ақ, өзіміздің ұлттық тағамдарға тең келетін ас жоқ екеніне көзім жетті. Тіпті, бір жылдың ішінде нағыз еттің дәмін ұмытып қалған тәріздімін. Күнделікті асқа тауық еті және күрішпен ауқаттанамыз. Үйге оралуға үш күн қалды. Минуттарды санап отырмын десем болады. Анамның ыстық бауырсағын қатты сағындым, – дейді «Жас дарын» мамандандырылған мектебінің түлегі, «Алтын белгі» иегері.

Қытайда "Жыл студенті" атанған қазақ қызы туған жердің көк аспанын сағынғанын айтты

Бүгінде 20 жастағы студент қытай тіліндегі кітаптар мен журналдарды еркін оқи алатын деңгейге жеткен. Корея, Жапония, Колумбия, Канада, Моңғолия, Ресей, Германия, Словакия және Италия елдерінен келген жастармен достасып кеткен Фарида соңғы кездері корей тілін үйренуге ден қойған.

Қытайда "Жыл студенті" атанған қазақ қызы туған жердің көк аспанын сағынғанын айтты

«Енді әлемнің түкпір-түкпірінде араласатын достарым бар. Елбасының тілдің үш тұғырлығы саясатына мен де өз үлесімді қосуға тырысамын. Бар арманым – болашақта еліміздің қарыштап дамуына атсалысу», – дейді Фарида.

Бөлісу:

Пікір немесе жауап жазу

4 × 3 =