Аружан Жазылбекова АҚШ-та үздік әйел рөлі үшін сыйлыққа ие болды (видео)

Бөлісу:

Қазақстандық актриса Аружан Жазылбекова Лос-Анджелесте өткен кинофестивальде «Композитор» фильміндегі рөлі үшін «Үздік әйел рөлі» номинациясында жүлделі болды, деп хабарлайды Stan.kz ақпарат агенттігі.

Бұл туралы актрисаның өзі Instagram желісінде жазып, жүлденің табысталған сәтінің видеосын жариялады.

Аружан Жазылбекова фильмнің түсірілім тобымен бірге Лос-Анджелестегі Golden Screen Awards сыйлығын табыстау кешіне қатысты. Кинофестивальде актрисаның өзі де жүлдесіз қалмады. Ол «Композитор» фильмінде сомдаған рөлі үшін «Үздік әйел рөлі» номинациясында сыйлыққа ие болды.

Сәбит Құрманбеков пен Шерзат Якуб ресжиссерлік еткен биографиялық фильм Қытай композиторы Сянь Синхайдың өмірі туралы түсірілген. Туындада композитордың КСРО-да болған жылдары, қазақ композиторы Бақытжан Байқадамовпен танысуы мен достығы көрініс тапқан. Фильмде Аружан Жазылбекова басты рөлдердің бірін сомдады. Ол Бақытжан Байқадамовтың қарындасы Данашты сомдаған.

Сонымен қатар фильмге Берік Айтжанов, Ху Цзюнь, Алтынай Нөгербек, Ділназ Нұрсейіт пен Юань Цюань тәрізді өнер иелері түсті.

Бөлісу:

Пікір немесе жауап жазу

6 − three =